ភ្នំពេញ៖ កីឡាករគុនខ្មែរ ឃួន ឡាំកូស៊ីន បានទទួលមេដាយមាសលើវិញ្ញាសាទម្ងន់ ៥៧គីឡូក្រាម ដោយយកឈ្នះគូប្រកួតកីឡាករហ្វីលីពីន Kristian Salatan Narca ក្នុងវគ្គផ្តាច់ព្រ័ត្រដែលធ្វើឡើងនៅរសៀលថ្ងៃទី១១ ខែឧសភា នៅក្នុងពហុកីឡដ្ឋានជាតិមរតកតេជោ។
ក្នុងការប្រកួតគុនខ្មែរវគ្គផ្តាច់ព្រ័ត្រថ្ងៃនេះ មានគូប្រកួតចំនួន ៩គូ ដោយមានកីឡាករគុនខ្មែរចំនួន ៩រូបប្រកួតជាមួយកីឡាករហ្វីលីពីន វៀតណាម និងឡាវ។
បន្ទាប់ពីការប្រកួតរវាងកីឡាករគុនខ្មែរ ឃួន ឡាំងកូស៊ីន និងកីឡាករហ្វីលីពីន ចូលដល់កីឡាការិនីគុនខ្មែរ មើយ ស៊ឹង ប្រកួតជាមួយកីឡាការិនីវៀតណាម Trieu Thi Phuong thuy ដោយទទួលបានមេដាយប្រាក់ ក្រោយចាញ់គូប្រកួតលើវិញ្ញាសាទម្ងន់ ៥១គីឡូក្រាម៕
